Нью-Йорк штати бош прокурори Летиция Жеймс АҚШнинг собиқ президенти Дональд Трамп фирибгарлик иши бўйича тахминан 355 миллион доллар жарима тўламаса, унинг активларини мусодара қилишни талаб қилади. Бу ҳақда ABC News хабар бермоқда.
“Агар Трампнинг жаримани тўлаш учун маблағи бўлмаса, биз қарорни ижро этиш учун судга мурожаат қиламиз ва унинг мол-мулкини ҳибсга олишни сўраймиз”, — деди прокурор телеканалга берган интервьюсида.
Унинг сўзларига кўра, мусодара жазоси Уолл-Стритда жойлашган Трампга тегишли осмонўпар бинога нисбатан қўлланиши мумкин.
16 февраль куни Нью-Йорк суди Трампни активларни баҳолашда фирибгарлик бўйича айбдор деб топди ва уни тахминан 355 миллион доллар тўлашга мажбур қилганди.
Шунингдек, судья Трампга Нью-Йоркдаги исталган корпорацияда уч йилгача ходим ёки директор сифатида ишлашни тақиқлаган.
Изоҳ (0)