21-fevral kuni Buyuk Britaniya rossiyalik muxolifatchi Aleksey Navalniy vafot etgan “Qutb bo‘risi” koloniyasi rahbariyatining olti aʼzosini sanksiyalar ro‘yxatiga kiritdi. Bu haqda CNN xabar berdi.
Xabarda aytilishicha, “qora ro‘yxat”ga tushgan koloniya xodimlariga Buyuk Britaniyaga kirish taqiqlangan. Ushbu fuqarolarga, shuningdek, Britaniyada hisob raqami ochish ham cheklangan.
Londondagi hukumat eʼlon qilgan ro‘yxatda koloniya boshlig‘i, polkovnik Vadim Konstantinovich Kalinin, uning o‘rinbosarlari Sergey Nikolayevich Korjov, Vasiliy Aleksandrovich Vidrin, Vladimir Ivanovich Pilipchik, Aleksandr Vladimirovich Golyakov, Aleksandr Valeriyevich Obraztsovlar bor.
“Janob Navalniyning ahvoli qamoqdagi uch yil davomida muttasil yomonlashgan. U tibbiy muolaja ololmaslikdan aziyat chekkan. Qamoqxonada -32 daraja sovuq ob-havo sharoitida yashashga majbur bo‘lgan”, — deyiladi Buyuk Britaniya Tashqi ishlar vazirligi bayonotida.
Izoh (0)