Rossiyada qiyin ahvolda qolgan o‘zbekistonliklarga yordam ko‘rsatildi, deb xabar bermoqda Tashqi mehnat migratsiyasi agentligi axborot xizmati.
Unda aytilishicha, Tuladagi “Opora injiniring”, “Plastik uzlovaya” korxonalarida ishlayotgan o‘zbekistonlik fuqarolar hamda ularning ish beruvchisi bilan uchrashuvlar tashkil etildi. Tula, Volgograd, Voronejda moliyaviy qiyin qolgan yurtdoshlarga moddiy yordam ko‘rsatildi.
Volgogradda ishlayotgan yurtdoshlarimizga huquqiy va moddiy yordam ko‘rsatildi. Tula shahrida ishsiz qolgan fuqaro ishga joylashtirildi. Sankt-Peterburg, Samara, Voronejda murakkab vaziyatda qolgan fuqarolar Sankt-Peterburg–Urganch, Samara–Namangan, Perm–Namangan aviareyslari orqali vatanga qaytarildi.
Samarada avtohalokatga uchrab, tan jarohati olgan yurtdoshlar holidan xabar olindi. Ularning davolanish jarayoni nazoratga olingan.
Izoh (0)