Россияда қийин аҳволда қолган ўзбекистонликларга ёрдам кўрсатилди, деб хабар бермоқда Ташқи меҳнат миграцияси агентлиги ахборот хизмати.
Унда айтилишича, Туладаги “Опора инжиниринг”, “Пластик узловая” корхоналарида ишлаётган ўзбекистонлик фуқаролар ҳамда уларнинг иш берувчиси билан учрашувлар ташкил этилди. Тула, Волгоград, Воронежда молиявий қийин қолган юртдошларга моддий ёрдам кўрсатилди.
Волгоградда ишлаётган юртдошларимизга ҳуқуқий ва моддий ёрдам кўрсатилди. Тула шаҳрида ишсиз қолган фуқаро ишга жойлаштирилди. Санкт-Петербург, Самара, Воронежда мураккаб вазиятда қолган фуқаролар Санкт-Петербург–Урганч, Самара–Наманган, Перм–Наманган авиарейслари орқали ватанга қайтарилди.
Самарада автоҳалокатга учраб, тан жароҳати олган юртдошлар ҳолидан хабар олинди. Уларнинг даволаниш жараёни назоратга олинган.
Изоҳ (0)