Якшанба куни Франциянинг жанубида жойлашган аккумуляторларни қайта ишлаш заводидаги 900 тоннага яқин қуйма батареялар ёнғин ичида қолди, бунинг натижасида ҳудуд бўйлаб осмонга қуюқ қора тутун кўтарилди, дейди маҳаллий ҳукумат. Бу ҳақда Reuters хабар берди.
Ёнғин шанба куни Тулуза шимолидаги Виведа SNАМ чиқиндиларни қайта ишлаш бўйича француз гуруҳига тегишли омборда содир бўлган, деб хабар қилади маҳаллий кенгаш аъзоси Паскалm Мазе. Франция ОАВ Виведаги объектни қуюқ тутун қоплаганини кўрсатди, Le Monde нашри эса 70 га яқин ўт ўчирувчилар ёнғинга қарши курашганини маълум қилган.
Виве таркибидаги Аверон префектураси маҳаллий амалдори Чарльз Жустининг BFM телеканалига берган баёнотида яқин-атрофда яшовчи аҳолига ҳеч қандай хавф йўқлигини айтган. Префектуранинг кеча берган баёнотига кўра, ёнғин назоратга олинган бўлса-да, у секин ёнмоқда ва яна бир неча соат давом этиши мумкин.
SNАМ изоҳларга дарҳол жавоб бермади. Сайт йирик ёнғин содир бўлганда, у ерда бўлган маҳсулотлар буғ орқали кадмий чиқариши мумкинлигидан огоҳлантиради. Кадмий жуда заҳарли ва атроф-муҳит учун хавфли, бироқ эслатмада заводдаги муҳитни ҳамда заҳарли буғларнинг ҳаракати ҳисобга олинадиган бўлса, улар аҳоли соғлиғи учун бевосита хавф туғдирмаслиги айтилмоқда.
Изоҳ (0)