O‘zbekistonda 2023-yil noyabr boshlarida harakat tarkibini modernizatsiya qilish maqsadida qator yo‘nalishda elektropoyezdlar harakati vaqtincha to‘xtatilgandi. “O‘ztemiryo‘lyo‘lovchi”ning ma’lum qilishicha, 14-fevral sanasidan to‘xtatilgan shaharlararo yo‘lovchi poyezdlar o‘z harakatini davom ettirishni boshlagan.
14-fevral sanasidan 6418-sonli Toshkent—Sirdaryo yo‘nalishi:
- Toshkent 20:30 — Sirdaryo 22:47.
15-fevral sanasidan 6407-sonli Sirdaryo—Toshkent yo‘nalishi:
- Sirdaryo 04:12 — Toshkent 06:21.
6413-sonli Guliston—Toshkent yo‘nalishi:
- Guliston 15:52 — Toshkent 18:14.
6414-sonli Toshkent—Guliston yo‘nalishi:
- Toshkent 12:59 — Guliston 15:27.
6429-sonli Toshkent—Hojikent yo‘nalishi:
- Toshkent 07:06 — Hojikent 09:23.
6430-sonli Hojikent—Toshkent yo‘nalishi:
- Hojikent 09:50 — Toshkent 12:01.
Eslatib o‘tamiz, 8-noyabrdan harakat tarkibini modernizatsiya qilish maqsadida mazkur yo‘nalishda elektropoyezdlar harakati vaqtincha to‘xtatilgandi. 2021-yil may oyida “O‘zbekiston temir yo‘llari” aksiyadorlik jamiyati Toshkentda shahar atrofi qatnovi uchun elektropoyezdlar parkini yangilash rejasini eʼlon qilgan. Shu tariqa, Hojikent yo‘nalishiga to‘rtta yangi tezyurar elektropoyezdini qo‘yish rejalashtirilgandi, bu esa yo‘l vaqtini hozirgi 2 soat 15 daqiqadan 1 soatga qisqartiradi.
Bundan oldin 13—15-sentyabr kunlari amalga oshiriladigan bir qator yo‘lovchi poyezdlar harakati texnik sabablarga ko‘ra bekor qilingandi. Oktyabr boshida esa O‘zbekistonda mahalliy yo‘nalishdagi poyezd chiptalari narxi 50 foizga, “Afrosiyob”niki esa 100 foizga oshirilishi ma’lum bo‘lgan edi.
Izoh (0)