Ukraina Yevropa Ittifoqi bilan birgalikda artilleriya o‘q-dorilari va eng yangi harbiy texnika ishlab chiqaradi. Bu haqda NATO bosh kotibi Yens Stoltenberg Bryusselda alyansga aʼzo davlatlar mudofaa vazirlari yig‘ilishi bo‘lib o‘tayotgan brifingda maʼlum qildi.
“Biz Ukraina mudofaa sanoati bilan yaqindan hamkorlik qilmoqdamiz. Men NATO bo‘yicha barcha ittifoqchilarning Ukraina mudofaa sanoatini qanday qilib yanada kuchaytirishimiz mumkinligini aniqlash borasidagi sa’y-harakatlarini olqishlayman. O‘ylaymanki, ukrainaliklar zamonaviy qurollar ishlab chiqarish borasida zukkolik va mahorat namoyish etishdi”, — dedi Stoltenberg.
Uning ta’kidlashicha, ukrainaliklar bilan hamkorlikda 155 millimetrli snaryadlar va yangi turdagi qurollar ishlab chiqariladi.
Bundan tashqari, NATOning keng qamrovli qo‘llab-quvvatlash paketi Ukrainaning tezroq integratsiyalashuvi va alyans bilan yanada yaqinlashishiga yordam beradi, dedi Stoltenberg.
Izoh (0)