Toshkent shahrida aholi uchun issiqlik ta’minoti va issiq suv ta’minoti xizmatlari tarifi 2023-2024-yilgi isitish mavsumi tugagandan so‘ng oshiriladi. Bu haqda Veolia Energy Tashkent kompaniyasi xabar berdi.
Qayd etilishicha, bu o‘sish elektr energiyasi, gaz, ichimlik suvi va kanalizatsiya xizmatlari, shuningdek, issiqlik ishlab chiqaruvchi korxonalar uchun sotib olingan issiqlik energiyasi narxlarining oshishi bilan bog‘liq.
Xalq deputatlari Toshkent shahar Kengashining 8-fevraldagi 97-sessiyasida Veolia Energy Tashkent MCHJ XK tomonidan xizmat ko‘rsatuvchi ko‘p qavatli turar-joy binolarida yashovchi aholi uchun issiqlik taʼminoti va issiq suv taʼminoti xizmatlari uchun yangi tariflarni tasdiqlash to‘g‘risida qaror qabul qilingan.
Unga ko‘ra, aholiga issiqlik taʼminoti va issiq suv taʼminoti xizmatlari uchun yangi chakana tarif 15 foiz o‘sib, 2019-yildan beri amalda bo‘lgan 91 960 so‘m/Gkal o‘rniga 105 754 so‘m/Gkalni tashkil etadi. Bu shuni anglatadiki:
Kompaniyaning ma’lum qilishicha, yangi tariflar 2023-2024 — kuz-qish mavsumi (isitish mavsumi) rasmiy yakunlangan kundan bir kun o‘tib kuchga kiradi.
Vazirlar Mahkamasi qarorining 95-bandiga muvofiq, iste’molchi issiqlik ta’minoti va issiq suv xizmatlari uchun avans to‘lovlarini (oldindan to‘lovlarni) amalga oshirganda, yetkazib beruvchi (Veolia Energy Tashkent) to‘lov vaqtida amal qilgan tariflar bo‘yicha (avans to‘lovlari muddati uchun, lekin 12 oydan oshmagan) hisob-kitob qiladi.
Yuridik shaxslar va budjet tashkilotlari uchun 2023-yil 2-dekabrdan kuchga kirgan tariflar o‘zgarishsiz qoldi.
Eslatib o‘tamiz, 2023-yil yakuniga ko‘ra, yuridik shaxslar uchun issiqlik taʼminoti xizmatlari tariflari 1,5 baravarga, budjet muassasalari uchun esa 1,6 barobarga oshgandi. O‘shanda aholi uchun tarif o‘zgarishsiz qolgandi, Veolia Energy kompaniyasining issiqlik taʼminoti uchun bazaviy tarifi 67,3 foizga — 664 465 so‘mga oshgan.
Avvalroq tariflar o‘rtasidagi farq Toshkent budjetidan (baʼzan respublika budjetidan) subsidiyalar hisobidan qoplanadi, yaʼni narxlar ko‘tarilishi fuqarolar va tadbirkorlik subyektlariga, shu jumladan, bilvosita — ularning soliqlari hisobiga taʼsir qilishi aytilgandi. 2023-yilda issiqlik taʼminoti korxonalarining yo‘qotishlarini qoplash uchun davlat budjetidan 1,8 trillion so‘m, 2024-yilda esa 4,5 trillion so‘m ajratilishi rejalashtirilgan.
Izoh (0)