Qashqadaryo viloyati Qarshi shahrida 50 o‘ringa mo‘ljallangan hududlararo hospis tashkil etiladi. Bu haqda prezidentning 9-fevraldagi qarorida ko‘zda tutilgan.
Og‘ir gematologik, onkologik va klinik immunologik kasalliklar bilan xastalangan bemorlarga palliativ yordam ko‘rsatuvchi hospis Qashqadaryo viloyati sog‘liqni saqlash tizimidagi tashkilotlarning mavjud quvvatlari doirasida tashkil etiladi.
Hospisni qurish va uni saqlash bilan bog‘liq xarajatlar Qashqadaryo viloyati mahalliy budjeti, zarur tibbiy uskunalar bilan jihozlash SSV huzuridagi Tibbiyotni rivojlantirish davlat maqsadli jamg‘armasi mablag‘lari hisobidan amalga oshiriladi.
Uning faoliyatini tashkil etish va saqlash bilan bog‘liq masalalar Samarqand, Xorazm va Farg‘ona viloyatlari, shuningdek, Toshkent shahridagi hududlararo hospislar uchun belgilangan tartibda amalga oshiriladi.
Izoh (0)