Surxondaryo viloyatida noqonuniy ravishda tosh, qum qazib olgan fuqaro jarimaga tortildi. Bu haqda viloyat Ekologiya boshqarmasi axborot xizmati xabar berdi.
Unga ko‘ra, Surxondaryo viloyati Ekologiya boshqarmasi, viloyat Milliy gvardiya boshqarmasi, “Xavfsiz daryo” DUK hamda viloyat YPX xodimlaridan tuzilgan tezkor guruh tomonidan o‘tkazilgan reyd tadbirlari davomida Denov tumani “Arab” mahallasi hududidan oqib o‘tuvchi Qizilsuv daryosi o‘zanidan qum tosh olayotganligi aniqlandi.
Ushbu holatni sodir etgan fuqaro K.A.ga nisbatan Ma’muriy javobgarlik to‘g‘risidagi kodeksining 70 prim 1-moddasining 1-qismiga asosan ma’muriy bayonnoma rasmiylashtirilib, BHMning 30 barobari miqdorida 10 million 200 ming so‘m jarimaga tortildi. Mazkur holat oqibatida tabiatga 2 million 550 ming so‘m zarar yetkazgani ma’lum bo‘ldi.
Izoh (0)