Shavkat Mirziyoyev raisligida agrar sohadagi ustuvor vazifa va rejalarga bag‘ishlangan yig‘ilish boshlandi. Bu haqda prezident matbuot kotibi xabar berdi.
Sohada so‘nggi yillarda amalga oshirilgan islohotlar natijasida dehqon-fermerlarning manfaati, daromadi oshib, mahsulot ko‘paydi, klaster tizimi rivojlanib, yuqori unumli texnika va chuqur qayta ishlash kirib keldi, yangi navlar va agrotexnologiya ko‘paymoqda.
Jumladan, 2023-yili sohada ishlab chiqarish 4,1 foizga o‘sib, 426 trillion so‘mni tashkil qildi. Eksport esa qariyb 2 milliard dollarga yetdi. 152 ming gektar bog‘ va tokzorlar barpo qilindi.
Bu yil ilk bor 3 million 700 ming tonna paxta, 8 million tonna g‘alla hosili olindi. “Bunday raqamlar yaqin tariximizda hech qachon bo‘lmagan”, — deyiladi xabarda.
Eslatib o‘tamiz, fevral boshlarida Shavkat Mirziyoyev meva-sabzavotchilik va oziq-ovqat tarmog‘ini rivojlantirish masalalari bo‘yicha yig‘ilish o‘tkazib, qishloq xo‘jaligi mahsulotlari eksporti 3,5 mlrd dollarga yetkazilishi aytilgan edi.
Izoh (0)