Qozog‘iston Moliyaviy monitoring agentligi xodimlari Turizm va sport vazirligining mansabdor shaxsini o‘ta yirik miqdorda mablag‘larni o‘zlashtirganlikda ayblab qo‘lga oldi. Bu haqda nazorat organi matbuot xizmati xabar berdi.
Avvalroq terma jamoa vakillari ularga ajratilgan ekipirovkalarning sifati pastligidan shikoyat qilib, uni bir martalik deb atashgandi.
“Moliyaviy monitoring agentligining poytaxt boshqarmasi tomonidan Turizm va sport vazirligi huzuridagi Sportni rivojlantirish direksiyasi mansabdor shaxslariga nisbatan o‘ta yirik miqdordagi mablag‘larni o‘g‘irlaganlik uchun sudga qadar tergov harakatlari boshlandi. 2022-yilda Qozog‘iston terma jamoasining Osiyo o‘yinlarida ishtirok etishi uchun Xitoyda ishlab chiqarilgan juda past sifatdagi krossovkalar va ryukzaklar sotib olingan. Ular o‘z narxidan 3 baravar qimmatga xarid qilingan”, — deyiladi matnda.
Matbuot xizmatining taʼkidlashicha, yetkazib beruvchi ushbu tovarlar Qozog‘istonda ishlab chiqarilgani haqidagi soxta hujjatlarni ham taqdim etgan. Natijada davlatga 383 million tenge (856 ming dollar) miqdorida zarar yetgan.
Izoh (0)