Qozog‘iston prezidenti Qosim-Jo‘mart To‘qayev fransiyalik hamkasbi Emmanuel Makronga ikkita tozi it sovg‘a qildi. Bu haqda “Interfaks” xabar berdi.
“Qozog‘iston prezidentining taklifiga binoan 2023-yilning noyabr oyida Ostonaga tashrif buyurgan Fransiya yetakchisi Emmanuel Makron ‘Etnoaul’ ko‘rgazmasini ko‘zdan kechirgan. Ko‘rgazma davomida u qozoq xalqining boy madaniy merosi bilan tanishgan. Fransiya prezidentiga ayniqsa, tozi zotlari yoqqan. O‘shanda Qosim-Jo‘mart To‘qayev fransuz hamkasbiga itlar sovg‘a qilishni va’da bergan”, — deyiladi xabarda.
Shundan keyin Parijga besh oylik ikkita tozi zotli itlar yuborilgan.
“Uy hayvonlari veterinariya shifokorlari tomonidan ko‘rikdan o‘tkazilib, vaqtincha karantinga joylashtirilgan. Shuningdek, Fransiya tomoniga tozilarni parvarish qilish, oziqlantirish bo‘yicha tavsiyalar berilgan”, — deyiladi xabarda.
OAV xabarlariga ko‘ra, itlarga Jyul va Janna laqablari berilgan. Tozi yoki qozoq tozisi cho‘l hududlarida ov qilish uchun mo‘ljallangan, chidamli va uzoq chopishga qodir.
Izoh (0)