Fitch Ratings agentligi Toshkent shahrining xorijiy va mahalliy valyutadagi uzoq muddatli emitent defolt reytingini “BB-” darajasi, “barqaror” prognozini bekor qildi. Bu haqda Fitch Ratings saytida ma’lum qilindi.
“Toshkent shahri reyting jarayonida ishtirok etmaslikka qaror qilgani uchun Fitch reyting bahosini qaytarib oldi”, — deyiladi saytdagi xabarda.
“Shu sababli Fitch endi reytingni tuzish uchun yetarli ma’lumotga ega emas. Shunga ko‘ra, Fitch bundan buyon Toshkent shahri uchun reyting va tahliliy xabarlarni taqdim etmaydi”, — deya qo‘shimcha qilingan Fitch Ratings saytidagi xabarda.
2019-yil iyun oyida Fitch agentligi Toshkent shahriga “BB-”, prognozi “barqaror” reytingini taqdim qilgandi.
Izoh (0)