Xonanda va vayner Azoda “Intervyu TV” YouTube kanaliga bergan intervyusida turmush o‘rtog‘i bilan qanday tanishgani hamda faoliyatidagi eng qimmat reklama haqida so‘zlab berdi.
Turmush o‘rtog‘i bilan qanday tanishgan?
— 26-yanvar kuni tanishganimizga bir yil to‘ldi. Akalari, fudbloger Jamshid Bobojonovning uylariga kontent olish uchun borganmiz. O‘shanda Jamshid akaga nimadir kerak bo‘lib qolib, bularni chaqirganlar. Ilk marta o‘shanda ko‘rishganmiz. Keyinchalik ko‘chada, uyoq-buyoqda ko‘rishib qolib, yaqinlashib ketdik.
To‘yga qancha pul sarflandi?
— Turmush o‘rtog‘im boshidanoq to‘yning tashkiliy ishlarini o‘zlari qilishlarini aytganlar. Men umuman aralashmadim. Ular san’at sohasiga begona emaslar. Ko‘pchilik san’atkorlar ularning hurmati uchun xizmat qilib ketdi. To‘yimiz poytaxtdagi eng oldi to‘yxonalardan birida bo‘ldi. Shuning uchun turmush o‘rtog‘im to‘yga 35 ming dollar xarajat qildilar. Bu summa Dubaydagi Marry me marosimidan tashqari.
Qaynotam va qaynonam boshida sarpo kerakmasligi haqida aytgan. Shuning uchun bu uyga faqat kiyimlarim, taqinchoqlarim va stol-stul bilan keldim. Chunki uyni bezatamiz deganimizda ham qaynonam rozi bo‘lmadilar. Uylarida hamma narsa yangi bo‘lsa ham bloger kelin kelyapti deb, hamma narsani yangitdan qilib berishdi.
Birinchi katta reklamasi haqida
— Qozog‘istonda choy reklamasiga chaqirishgan. O‘shanda 15 ming dollar olganman. Samolyotda biznes klassda syomkaga borib kelganmiz. U yerdagi sharoit uncha-muncha joyda yo‘q. Ular meni “Sog‘inasan” klipimdan ko‘rib chaqirgan. Rossiyalik qo‘shiqchi Yegor Kridning klipini olgan rejissor reklamada men chiqishimni xohlagan ekan.
Izoh (0)