Хонанда ва вайнер Азода “Intervyu TV” YouTube каналига берган интервьюсида турмуш ўртоғи билан қандай танишгани ҳамда фаолиятидаги энг қиммат реклама ҳақида сўзлаб берди.
Турмуш ўртоғи билан қандай танишган?
— 26 январь куни танишганимизга бир йил тўлди. Акалари, фудблогер Жамшид Бобожоновнинг уйларига контент олиш учун борганмиз. Ўшанда Жамшид акага нимадир керак бўлиб қолиб, буларни чақирганлар. Илк марта ўшанда кўришганмиз. Кейинчалик кўчада, уёқ-буёқда кўришиб қолиб, яқинлашиб кетдик.
Тўйга қанча пул сарфланди?
— Турмуш ўртоғим бошиданоқ тўйнинг ташкилий ишларини ўзлари қилишларини айтганлар. Мен умуман аралашмадим. Улар санъат соҳасига бегона эмаслар. Кўпчилик санъаткорлар уларнинг ҳурмати учун хизмат қилиб кетди. Тўйимиз пойтахтдаги энг олди тўйхоналардан бирида бўлди. Шунинг учун турмуш ўртоғим тўйга 35 минг доллар харажат қилдилар. Бу сумма Дубайдаги Мarry me маросимидан ташқари.
Қайнотам ва қайнонам бошида сарпо керакмаслиги ҳақида айтган. Шунинг учун бу уйга фақат кийимларим, тақинчоқларим ва стол-стул билан келдим. Чунки уйни безатамиз деганимизда ҳам қайнонам рози бўлмадилар. Уйларида ҳамма нарса янги бўлса ҳам блогер келин келяпти деб, ҳамма нарсани янгитдан қилиб беришди.
Биринчи катта рекламаси ҳақида
— Қозоғистонда чой рекламасига чақиришган. Ўшанда 15 минг доллар олганман. Самолётда бизнес классда сёмкага бориб келганмиз. У ердаги шароит унча-мунча жойда йўқ. Улар мени “Соғинасан” клипимдан кўриб чақирган. Россиялик қўшиқчи Егор Криднинг клипини олган режиссёр рекламада мен чиқишимни хоҳлаган экан.
Изоҳ (0)