O‘zbekiston terma jamoasining yana bir futbolchisi Qatarga qarshi o‘yinda maydonga tushmasligi mumkin

Futbol bo‘yicha Osiyo Kubogining chorak finalida O‘zbekiston terma jamoasi 3-fevral, shanba kuni Qatarga qarshi bahs olib boradi.

Himoyachi Abduqodir Husanov sariq kartochkalari sababli o‘yinda ishtirok eta olmaydi. Otabek Shukurov ham tuzalgani va maydonga tushishi borasida aniq xabarlar yo‘q.

Shuningdek, Umarbek Eshmurodov ham Qatarga qarshi o‘yinda maydonga tusha olmasligi mumkin. U ham Shukurov singari shamollagan. Bu haqida “Daryo”ning federatsiyagi manbasi xabar bermoqda.

Eslatib o‘tamiz, Eldor Shomurodov, Igor Sergeyev, Husniddin Aliqulov, Hojiakbar Alijonov, Sherzod Nasrullayev kabi futbolchilar jarohati sababli jamoaga yordam bera olmayotgan edi. 

Qatarga qarshi uchrashuv Toshkent vaqti bilan 20:30 da start oladi.