Surxondaryo viloyati IIB Yo‘l harakati xavfsizligi boshqarmasi Termiz tumanida sodir bo‘lgan yo‘l-transport hodisasi yuzasidan ma’lumot berdi.
Ma’lum qilinishicha, 30-yanvar kuni soat 16:45 larda Termiz tumani “Gulbahor” mahallasi hududidan o‘tuvchi 4R 99 avtomobil yo‘lining 25-kilometrida 35 yoshli haydovchi Nexia-3 avtomashinasini dastlabki maʼlumotlarga ko‘ra, yuqori tezlikda boshqarishi natijasida ehtiyotsizlik qilib, yo‘lning o‘ng tomon qatnov qismidan chetga chiqib ag‘darilgan.
Yo‘l-transport hodisasi oqibatida avtomashina salonida bo‘lgan, 2003-yilda tug‘ilgan yo‘lovchi ayol olgan tan jarohatlari sababli vafot etgan. Avtomashina haydovchisi esa tuman shifoxonasiga yotqizilgan.
Bir necha kun oldin Toshkent shahar Shayxontohur tumanida Kia bilan to‘qnashgan Malibu ag‘darilib ketgandi. Undan oldin esa Toshkentda Malibu-2 bilan to‘qnashgan Spark haydovchisi vafot etgani to‘g‘risida xabar berilgandi.
Izoh (0)