Ichki ishlar vazirligi Yo‘l harakati xavfsizligi xizmati Toshkent shahar Chilonzor tumanida sodir bo‘lgan yo‘l-transport hodisasi yuzasidan ma’lumot berdi.
Qayd etilishicha, 29-yanvar kuni soat 23:40 da Chilonzor tumani Baynalmilal—Muqimiy ko‘chalari kesishgan chorrahasida 38 yoshli F.J. boshqaruvida bo‘lgan BYD rusumli avtomashina hamda 25 yoshli S.M. boshqaruvida bo‘lgan Chery ishtirokida yo‘l transport hodisasi sodir bo‘lgan.
YTH oqibatida BYD va Chery avtomashinalari haydovchilari birinchi yordam ko‘rsatish uchun shifoxonaga olib borilgan.
Holat bo‘yicha Toshkent shahar IIBB Yo‘l harakati xavfsizligi boshqarmasi masʼul xodimlari tomonidan surishtiruv ishlari olib borilmoqda.
Bir necha kun oldin Toshkent shahar Shayxontohur tumanida Kia bilan to‘qnashgan Malibu ag‘darilib ketgandi. Undan oldin esa Toshkentda Malibu-2 bilan to‘qnashgan Spark haydovchisi vafot etgani to‘g‘risida xabar berilgandi.
Izoh (0)