Har doim omma eʼtibor markazida bo‘ladigan Gollivud kino ijodkorlarining bir-biriga ko‘ngil qo‘yib turmush qurishi ko‘plab uchrab turadi. Lekin juftliklar orasidagi mojarolar ham talaygina. Turmush o‘rtog‘i sabab kinodagi faoliyati barbod bo‘lganlar ham yo‘q emas. Quyida aynan turmush o‘rtog‘i sabab karyerasiga putur yetgan aktyorlarning baʼzilariga to‘xtalamiz.
Keti Holms va Tom Kruz
Tom Kruz og‘ir xarakterli insonlar sirasiga kiradi. Buni uning birin-ketin suratga olish maydonchasida buzilgan filmlari, shuningdek, parchalangan nikohlari tasdiqlaydi. U Mimi Rojers bilan to‘rt yil yashab, so‘ng Nikol Kidmanga uylandi va Nikol bilan 11 yil birga yashadi. 2001-yilda esa u bilan ham ajrashdi. Undan keyin Tom Keti Holmsga ko‘ngil qo‘yadi va juftlik 2006-yilda turmush quradi. Kruz katolik cherkoviga boradigan Ketini saentologiyaga (xalqaro diniy oqim) jalb qildi, shu sabab aktrisa atrofida ko‘plab yoqimsiz mish-mishlar tarqala boshladi. Kutilmaganda Holms ajrashish uchun ariza berdi va qizining to‘liq vasiyligiga erishdi. Ajralish va saentologiya atrofidagi gap-so‘zlar tufayli Keti Holmsning karyerasida pasayish boshlandi. Shuningdek, u “Betmen: muqaddima” filmida ishtirok etganidan so‘ng, filmning davomida suratga tushishdan voz kechib, muvaffaqiyatsizlikka uchragan “Oson pul” filmida suratga tushdi.
Madonna va Gay Richi
Madonna va Gay Richining munosabatlarida hech qanday yomon narsa bo‘lmagan. Ehtimol, juftlik kichik muammolarga duch kelgan, lekin hech qachon oiladan tashqariga chiqmagan. Ammo bir holat Madonnaning aktyorlik faoliyatiga katta putur yetkazdi. U allaqachon pop yulduzi bo‘lgan, 80-yillarda aktyorlik faoliyatini boshlagan. Madonnaning 2001-yilda Gay Richiga turmushga chiqishi natijasida aktyorlik karyerasida sezilarli darajada ko‘tarilishi kutilgan edi, chunki Gay “Karta, pul va ikki stvol”, “Futbol murabbiyi” va “Yirik o‘lja” filmlari rejissori sifatida ancha tanilgan edi. 2002-yilda rejissor turmush o‘rtog‘ini “Olib ketilganlar” filmiga jalb qiladi va bu film uning karyerasiga nuqta qo‘ydi. Sababi film hatto prokat sotuviga ham chiqarilmadi va Madonna ikki marta yilning eng omadsizlariga beriladigan “Oltin malina” mukofoti bilan taqdirlangan. Muvaffaqiyatsizliklarga qaramay, juftlik olti yildan keyingina ajrashishga qaror qildi.
Deniz Richards va Charli Shin
O‘tgan asrning 90-yillarida Denis Richardsning kinodagi faoliyati yomon boshlanmagan u “Yovvoyi”, “Yulduzli kema askarlari”, “Dunyo yetarli emas” kartinalarida ishtirok etishga ulgurgandi. Keyinchalik u Charli Shin bilan tanishib turmush quradi. Agar ilgari Charli Shin qiziqarli filmlar va teleseriallardagi rollar ijrochisi sifatida taniqli bo‘lgan bo‘lsa, hozir hech kim u bilan ishlashni istamayotgani va uning karyerasi o‘xshamagani bilan mashhur, chunki u buni amalga oshirish uchun hamma ishni qilgan. Ammo u Deniz Richards bilan tanishganida Charlining obro‘si unchalik yomon bo‘lmagan, shuning uchun Deniz qaysidir maʼnoda Shinning toksik xulq-atvorining kashfiyotchisi bo‘ldi. Uch yil o‘tgach, u ajrashish uchun ariza beradi. Charli bo‘lsa, Denizni taʼqib qilishni va unga tahdid qilishni boshladi. Bularning barchasi omma e’tiborida bo‘ldi va ko‘pchilik aktrisani qo‘llab-quvvatlasa ham, prodyuserlar undan yuz o‘girishga harakat qildi, chunki u shaxs sifatida omma markazida edi. Ajralishdan keyin Richards faol harakat qilishni davom ettirdi, lekin uning yangi film va teleseriallari tomoshabinlarga hozircha nomaʼlum.
Anna Feris va Kris Pratt
Anna Feris va Kris Prattning nikohi namunaviy hisoblanganiga qaramay, ular uchun bu oson kechmagan. Aktrisaning aytishicha, ularning nikohi o‘zining kasbiy ishonchsizligi tufayli zarar ko‘rgan, chunki uning karyerasi pasayishni boshlagan. Kris aksincha, “Galaktika qo‘riqchilari” filmi tufayli dunyo yulduziga aylangan. Oxir-oqibat, bir necha yil o‘tgach, Gollivudning eng go‘zal juftliklaridan biri ajrashdi va shundan so‘ng, Anna bir necha yilga ijodiy tanaffus oldi. Kris Gollivuddagi mavqeyini mustahkamladi va Marvelning bir nechta filmlarida ishtirok etdi
Jonni Depp va Ember Herd
Jonni Depp har doim o‘ziga ishongan aktyor bo‘lib kelgan va uning ko‘rinishi ideallikka yaqindek tuyuladi. Hatto sobiq qiz do‘stlari ham har doim Depp haqida iliq fikr bildirgan. 2011-yil Deppning hayotida “Rim kundaligi” filmini suratga olish vaqtida tanishgan Ember Herd paydo bo‘ladi. Uch yil o‘tgach, juftlik turmush qurdi. Lekin 2016-yilda aktrisa ajrashish uchun ariza beradi. Holat kutilmaganda sodir bo‘ldi, chunki bu voqeadan uch kun oldin Depp onasini yo‘qotgan edi. Masala ajralish bilan cheklanib qolmadi. Ember Jonni zo‘ravonlikda aybladi. Jonni jim turishdan yaxshiroq narsa o‘ylab topa olmadi. Aktyor sukut saqlagan va ayblovlar haqida hech qanday bayonot bermagani uchun karyerasi barbod bo‘la boshladi. U nafaqat yangi filmlardagi rollarni yo‘qotdi, balki “Karib dengizi qaroqchilari” filmidagi o‘z o‘rnidan ham mahrum bo‘ldi. Aktrisaga kam odam ishondi, shuning uchun ko‘pchilik Deppni qo‘llab-quvvatladi. 2022-yilda aktyor sobiq xotiniga qarshi ishda g‘alaba qozondi va undan zarar uchun tovon to‘lashni talab qildi: oladigan 10 million dollar puli barcha rollardan olinadigan gonorarga mos kelmasa-da. Depp kinoga qaytishga harakat qilmoqda va hatto bitta filmda suratga ham tushdi, lekin hozircha ekranlarga chiqqanicha yo‘q. Bundan tashqari, Gollivudda ko‘plab boshqa aktyorlar ham paydo bo‘ldi, endi aktyor o‘z o‘rnini qayta topish uchun ko‘proq harakat qilishi kerak.
Izoh (0)