Rossiya Tojikistonga virusga qarshi maxsus mobil laboratoriyalar yetkazib berdi. Bu haqda Sputnik Tojikiston xabar berdi.
Ma’lum qilinishicha, gap xavfli infeksiyalarni aniqlash uchun dala tadqiqotlarini o‘tkazishga mo‘ljallangan ikkita mobil tibbiy kompleks haqida ketmoqda. Ulardan biri “Sadko” yuk mashinasiga o‘rnatilgan, ikkinchisini esa oddiy reysda tashish mumkin.
Laboratoriyalar xavfsizlik shlyuzlari, izolyatsiyalangan qutilar va boshqa zamonaviy jihozlar bilan ta’minlangan.
“Biz Tojikiston bilan bir makonda yashayapmiz va aholi uchun qulay shart-sharoitlarni ta’minlash haqiqatan ham muhim”, — dedi Rossiya elchixonasi maslahatchisi Vera Xutorskaya.
Mutaxassislar yaqin kunlarda laboratoriyalarda, jumladan Hisorda vaboning tabiiy o‘chog‘ida ish boshlaydi.
“Biz infeksiyalar tarqalishining ehtimoliy xavflari ustidan nazoratni tiklash uchun birgalikda harakat qilishimiz kerak”, — Tojikiston Sog‘liqni saqlash vaziri o‘rinbosari Abduxoliq Amirzoda.
Izoh (0)