Toshkent metropolitenida 2023-yilda jami tashilgan yo‘lovchilar soni ma’lum bo‘ldi. Bu haqda Statistika agentligi xabar berdi.
Agentlik ma’lumotlariga ko‘ra, 2023-yilda Toshkent metropolitenida 162,7 million yo‘lovchi tashilgan. Bu ko‘rsatkich 2022-yil bilan solishtirilganda 26 million nafarga ko‘p.
Qayd etilishicha, 2023-yilda Toshkent metropolitenida bir kunda o‘rtacha 445,9 ming nafar yo‘lovchilar tashilgan bo‘lib, 2022-yilga nisbatan solishtirilganda 19 foizga oshgan.
2023-yilning yanvar—iyun oylarida Toshkent metropolitenida 81 million yo‘lovchi tashilgan. Bu ko‘rsatkich 2022-yilning mos davriga nisbatan 18,2 million nafarga ko‘p. 2023-yilning yanvar—iyun oylarida Toshkent metropolitenida bir kunda o‘rtacha 447,3 ming nafar yo‘lovchilar tashilgan bo‘lib, 2022-yilning mos davri bilan solishtirilganda 29 foizga oshgan.
Izoh (0)