O‘tgan yil davomida Uzum Market milliy marketpleysi mamlakat bo‘ylab 340 dan ortiq buyurtma tarqatish punktlarini ochdi. Yangi tarqatish punktlari nafaqat yirik shaharlarda, balki butun mamlakat bo‘ylab kichik shaharchalarda ham paydo bo‘lib, millionlab o‘zbekistonliklarga kerakli tovarlarni tanlash, narxlarni taqqoslash va ularni naqd pul bilan, karta orqali yoki Uzum Nasiyadan muddatli to‘lovga xarid qilish imkoniyatini beradi.
Milliy marketpleys tahlilchilari so‘nggi 6 oy ichida 30 mingdan kam aholisi bo‘lgan shahar va qishloqlarda eng mashhur tovarlar reytingini tuzdilar.
Kungaboqar yog‘i va yashil no‘xat reytingning yetakchilariga aylandi — bu tovarlar Beshariq, Jalaquduq, Yaypan va Uzum Market buyurtma tarqatish punktlari ishlaydigan boshqa kichik shaharlar aholisining har ikkinchi buyurtmasida mavjud.
Ikkinchi o‘rinni kir yuvish sovuni, shampunlar va namlantiruvchi kremlar egalladi, sharbatlar va gazlangan ichimliklar esa yetakchi uchlikni yakunlaydi.
— Kichik shahar va qishloqlardagi odamlar uchun narxlarni taqqoslash va butun oila uchun tovarlarni maksimal foyda bilan sotib olish juda muhim, — deydi Uzum Market bosh direktori o‘rinbosari Akmal Rahimov. — Uzum Marketda har doim har bir uyda eng ko‘p talab qilinadigan tovarlar 1 kun ichida kafolatlangan yetkazib berish bilan unumli narxlarda mavjud. Qishloqlarning aholisi onlayn-shopingni faol ravishda o‘zlashtirmoqda, masalan, 15 mingga yaqin odam yashaydigan Qorovulbazarda biz kuniga 100 dan ortiq buyurtma tarqatamiz. Shu bilan birga, qishloqlardagi do‘kon egalarining o‘zlari ham Uzum Marketdagi o‘z nuqtalari assortimentini to‘ldirayotganini ko‘ryapmiz.
Bugun butun mamlakat bo‘ylab 72 ta aholi punktlarda Uzum Marketda 1 kun ichida yetkazib beriladigan 600 mingdan ortiq tovarlarga buyurtma berish mumkin, 2024 yil oxiriga kelib milliy marketpleys 10 mingdan ortiq aholisi bo‘lgan barcha shahar va qishloqlarni qamrab olgan holda tarqatish punktlari tarmog‘ini 3 baravar oshirishni rejalashtirmoqda. Platformada o‘z tovarlarini butun mamlakat bo‘ylab 8000 dan ortiq tadbirkorlar, kompaniyalar va o‘zini o‘zi band qilganlar sotadilar.
Sheriklik huquqi asosida
Izoh (0)