Norvegiya Qurolli kuchlari bosh shtabi boshlig‘i Eyrik Kristoffersen Osloda Rossiyaning ehtimoliy agressiyasiga qarshi turish uchun harbiy salohiyatni oshirishga oz muhlat qolganini aytdi.
Kristoffersenning so‘zlariga ko‘ra, mamlakat Qurolli kuchlarida “bir, ikki, balki uch yil davom etishi mumkin bo‘lgan” imkoniyatlar oynasi bor, bu davrda mudofaa xarajatlarini oshirish kerak.
“Ammo bizda vaqt tugayapti. Men faqat shuni ta’kidlamoqchiman. Biz uch yildan keyin Rossiya bilan nima bo‘lishini bilmaymiz. Noaniq va oldindan aytib bo‘lmaydigan dunyoni kuchli milliy mudofaa bilan kutib olishimiz kerak”, — dedi u.
Uning ta’kidlashicha, Rossiya o‘zining harbiy salohiyatini “kutilganidan ham tezroq” kuchaytirmoqda.
8-yanvar kuni Shvetsiya fuqarolik mudofaasi vaziri Karl-Oskar Bulin mamlakatda ehtimoliy urush haqida gapirgan va vatandoshlarini jangovar harakatlarga tayyor turishga chaqirgandi. Shuningdek, u fuqarolik mudofaasini qayta qurollantirish yetarlicha tez davom etmayotganidan xavotir bildirgan.
Izoh (0)