2024-yil boshida Buyuk Britaniyada jiddiy moliyaviy ahvolga tushib qolgan korxonalar soni 47 mingdan oshdi. Bu haqda konsalting kompaniyalari ma’lumotlariga tayanib, The Finacial Times xabar bermoqda.
Yilning o‘tgan choragiga nisbatan bu 25,9 foizga ko‘pdir. Ushbu o‘sish yuqori inflyatsiya va foiz stavkalari bilan bog‘liq, bu esa xarajatlarni oshiradi va iste’mol talabini kamaytiradi.
Muammolar iqtisodiyotning barcha tarmoqlariga, xususan, qurilish, ko‘chmas mulk va xizmat ko‘rsatish sohalariga ta’sir ko‘rsatdi.
22 ta sektordan 18 tasida muammoga duch kelgan kompaniyalar soni keskin oshib ketgan.
Avvalroq Qizil dengizdagi xusiylar va AQSH hamda Buyuk Britaniya kemalari o‘rtasidagi to‘qnashuvlar logistika xizmatiga jiddiy ta’sir ko‘rsatayotgani xabar berilgandi.
Izoh (0)