Xalqaro futbol federatsiyasi (FIFA) prezidenti Janni Infantino muxlislari tribunadan raqibiga qarshi irqchilik so‘zlarini ishlatgan jamoalarga avtomatik texnik mag‘lubiyat berilishini talab qildi. Bu haqda BBC xabar berdi.
Infantinoning bayonoti 20-yanvar kuni Italiyaning “Udineze” va “Milan” hamda Angliyaning “Sheffild Uensdey” va ”Koventri Siti” klublari o‘rtasidagi o‘yinlardagi “mutlaqo jirkanch” voqealardan keyin sodir bo‘ldi.
“Biz muxlislari irqchi bo'lgan va xatti-harakati o'yinning buzilishiga yoki to'xtatilishiga olib kelgan jamoaga avtomatik mag'lubiyat berish g‘oyasini amalga oshirishimiz kerak”, — degan FIFA prezidenti.
Shuningdek, Infantino irqchilik uchun jinoiy javobgarlikka tortish va bunday muxlislarning stadionlarga kirishini taqiqlash zarur deb hisoblaydi.
- “Milan” g‘alaba qozongan Italiya klublari o‘rtasidagi o‘yin “Udineze” muxlislari “Milan” darvozaboni, asli Fransuz Gvianasidan bo‘lgan Mayk Maynyanga nisbatan irqchilik qilib, uni haqoratlay boshlaganidan keyin qisqa muddatga to‘xtatildi.
FIFA prezidenti irqchilikdan aziyat chekkan futbolchilarni qo‘llab-quvvatlashini bildirdi va shanba kungi o‘yinlardagi voqealarni “mutlaqo jirkanch va qabul qilib bo‘lmas” deb atadi.
Izoh (0)