Toshkent viloyati Quyi Chirchiq tumanida 16 yoshli bola tanasi qozon portlashi oqibatida 90 foiz kuyib ketdi. Bu haqda Bolalar ombudsmani xabar berdi.
Quyi Chirchiq tumanida istiqomat qiluvchi, 2008-yilda tug‘ilgan J.J. o‘z yashash xonadonida isituvchi qozon portlashi oqibati 90 foiz og‘ir tana kuyish jarohati olganligi tufayli muntazam tibbiy xizmatga va davolanish uchun moddiy yordam ko‘rsatilishiga muhtojligi to‘g‘risida Bolalar ombudsmani kotibiyatiga murojaat kelib tushgan.
Aniqlanishicha, 2008-yilda tugilgan J.J. 2023-yil oktyabr oyida bunday jiddiy kuyish jarohatini olganidan so‘ng Respublika shoshilinch tibbiy yordam markaziga olib kelinib, u yerda barcha tez tibbiy yordam choralari ko‘rilgan va 2 oy davomida shifokorlar tomonidan davolanib, zarur tibbiy muolajalar ko‘rsatilgan. So‘ng jarohatlar darajasi murakkabligiga va doimiy tibbiy kuzatuv talab etilishiga qaramay J.J. ota-onasi tomonidan uy sharoitida parvarish qilish uchun olib ketilgan.
Hozirda J.J. ga zarur tibbiy muolajalar ko‘rsatildi va doimiy shifokor kuzatuvi biriktirildi. Shuningdek, viloyat Sog‘liqni saqlash boshqarmasi tomonidan bemor muntazam davolanish uchun kerak bo‘lgan dori-darmonlar bilan ta’minlanmoqda hamda unga nogironlik nafaqasini belgilash uchun kerakli tibbiy hujjatlar to‘planish jarayonida.
Qayd etilishicha, bolaning sog‘ligini ta’minlash masalasi hozirda viloyat prokuraturasi nazoratida bo‘lib, Bolalar ombudsmani ham bu borada o‘z kuzatuvini davom ettiradi.
Izoh (0)