Ijtimoiy tarmoqlarda erkak o‘z farzandini muttasil ravishda qiynab, qo‘rqitib kelgani aks etgan video tarqaldi. Bolalar ombudsmani holat yuzasidan munosabat bildirdi.
Unga ko‘ra, insoniylikka zid mazkur jinoiy harakatlar Jizzax shahrida yashovchi, bolaning otasi deb aytilayotgan shaxs A.B. tomonidan farzandiga doimiy ravishda sodir etilgan. Mazkur holat yuzasidan bolaning onasi IIBga murojaat qilib, 2023-yil 20-dekabr kuni JKning 110-(qiynash), 112-(o‘ldirish yoki zo‘rlik ishlatish bilan qo‘rqitish) va boshqa moddalari bilan jinoyat ishi qo‘zg‘atilgan.
Hozirda jinoyat ishi bo‘yicha tergov harakatlari olib borilmoqda.
“Bolalar ombudsmani bolaga nisbatan bunday g‘ayriinsoniy munosabatda bo‘lgan shaxslarga qonun doirasidagi javobgarlik qatʼiy taʼminlanishi yuzasidan o‘z kuzatuvini davom ettiradi”, — deyiladi xabarda.
Izoh (0)