Uzbekistan Airports bugun, 20-yanvar kuni soat 08:08 dan boshlab Buxoro aeroportida havo kemalarini qabul qilishga cheklovlar joriy etilganini ma’lum qildi.
Qayd etilishicha, quyuq tuman sabab ko‘rish masofasi 100 metrni tashkil etmoqda. Silk Avia aviakompaniyasining Toshkent—Buxoro yo‘nalishi bo‘yicha uchgan US-803 reysi ekipaji Samarqanddagi muqobil aerodromga yo‘l olishga qaror qilgan. Bortida 58 yo‘lovchi bo‘lgan samolyot mahalliy vaqt bilan soat 09:05 da Samarqandga qo‘ngan.
Bundan oldin Uzbekistan Airways aviakompaniyasining HY-212 Riga—Toshkent reysini soat 23:26 da amalga oshirayotgan samolyot Samarqanddagi muqobil aerodromga qo‘ngani to‘g‘risida xabar berilgandi. Shuningdek, Silk Avia aviakompaniyasining USA-751 reysi Termiz aeroportidagi noqulay ob-havo sharoiti (chang bo‘roni) tufayli Qarshi aerodromiga yo‘naltirilgan edi.
Izoh (0)