Toshkent shahrining Yashnobod tumanida yashovchi fuqaro yangi sotib olgan uyidan XIX asr oxiri va XX asr boshlariga tegishli qadimiy kitoblar topib oldi, deb xabar beradi Madaniy meros agentligi.
Qayd etilishicha, fuqaroning murojaatiga asosan yangi uydan topilgan tarixiy kitoblar ustida atroflicha o‘rganish ishlari olib borilgan. Tekshiruvlar natijasida topilgan ashyolar eski o‘zbek yozuvidagi qo‘lyozma va toshbosma kitoblar ekanligi aniqlangan. Ularning ichida she’riy to‘plamlar, badiiy va ilmiy-ommabop kitoblar ham bor ekani ma’lum bo‘lgan.
Topilgan kitoblar fuqaroning shaxsiy mulki ekanini inobatga olgan holda agentlik xodimlari tomonidan qo‘lyozmalarni davlatga topshirish yoki sotib yuborishi mumkinligi tushuntirilgan.
Eslatib o‘tamiz, 2018-yilda Namangan viloyatida qadim tilsimlarni ochuvchi noyob qo‘lyozma topilgani to‘g‘risida xabar berilgandi.
Izoh (0)