Instagram’da Raksmane nomi ostida rufing bilan shug‘ullanuvchi bloger Toshkent teleminorasining uchiga chiqqani tasvirlangan video bilan bo‘lishdi.
Uning yozishicha, teleminoraga kirishda ichki ishlar xodimlari barcha asbob-uskunalarini olib qo‘ygan.
“Dastlabki 100 metrni liftda bosib o‘tdim, keyingi 100 metrga esa tashqi tomondagi qo‘riqchilarni aylanib o‘tib, zinadan chiqdim. Navbatdagi qismi esa o‘t o‘chiruvchilar zinasi orqali o‘tildi. Qo‘riqchilar soni o‘shandayoq hayron qoldirgan edi. Forma kiygan politsiya xodimlari kirishda metallodetektor, kuzatib qo‘yuvchi va lift oldida kutib oluvchi styuartlar, formadagi qo‘riqchilar va ratsiya ko‘targan xodimlar. O‘tib ketish xuddi uddalab bo‘lmasdek edi”, — deb yozadi u.
Blogerga ko‘ra, u ko‘plab kameralar nazoratidan o‘tib, yuqoriga ko‘tarilgan. Yo‘l-yo‘lakay o‘zini xuddi shlyuzlar bilan ajratilgan kema yoki uchar likopcha ichidagidek tasavvur qilgan.
Toshkent teleminorasi — O‘rta Osiyodagi eng baland bino. Uning balandligi 375 metrdir. Rasmiy tilda Toshkent teleminorasi H-375m obyekti deb ataladi. Teleminora 1978-yildan boshlab, 6 yil davomida qurib bitkazilgan. 1985-yilning 15-yanvarida ishga tushirilgan.
Izoh (0)