Toshkentda ko‘prik ustidan o‘tayotgan yo‘lovchilarni pastga tashlab yuborish bilan hazillashgan blogerlarga chora ko‘rildi. Bu haqda “Yoshlar” telekanalining “Yangi davr” informatsion dasturida ma’lum qilindi.
Bir guruh shaxslar prank qilish maqsadida ko‘prik ustida fuqarolarga qo‘pol hazil qilgani tasvirlangan videolar ijtimoiy tarmoqlarda keskin muhokamalarga sabab bo‘ldi. Toshkent shahar IIBB tomonidan ushbu blogerlarning shaxsiga aniqlik kiritilgan.
Xususan, Jasur ismli yigit bilan olib borilgan surishtiruv ishlari davomida Instagram ijtimoiy tarmog‘ida asosan prank yo‘nalishidagi fuqarolarni masxara qilish orqali qo‘pol hazillar aks ettirilgan videoroliklarni tayyorlab kelgani aniqlangan.
Ushbu videolarni tayyorlashda bir guruh bo‘lib ishlagan yigitlardan yana birining sahifasi ham ko‘zdan kechirilganda, joylangan pranklarda jamoat joylarida yurish-turish qoidalari buzilgani ma’lum bo‘lgan.
Mazkur videolarni tayyorlashda ishtirok etgan besh nafar yigitning ishi sudda ko‘rib chiqilib, ularning har biriga 15 sutkadan ma’muriy qamoq jazosi tayinlangan.
Izoh (0)