Oq uy davlat idoralarini shatdaun haqida ogohlantirdi

Oq uy bir qator davlat idoralarini ehtimoliy shatdaunga tayyorlanishga chaqirdi. Bu haqda Bloomberg agentligi ma’lum qildi.

“Oq uy juma kuni bir qator idoralarga shatdaunga tayyorgarlik ko‘rish zarurligi to‘g‘risida ogohlantirish yubordi”, — deyiladi nashrda.

Oq uyning boshqaruv va budjet bo‘limi idoralarga hukumat tomonidan ajratilayotgan mablag‘ kelishi to‘xtagan taqdirda favqulodda vaziyat rejalarini tayyorlashni topshirdi.

Shatdaun bu — davlat tomonidan moliyalashtirish to‘xtatilishi sababli davlat idoralarining yopilishi. Agar bu chora joriy etilsa, muhim vazifalarni bajarayotgan mansabdor shaxslar maoshsiz ishlashga, boshqa xodimlar esa pul to‘lanmaydigan ta’tilga chiqishga majbur bo‘ladi.