Tesla Berlin yaqinidagi zavodda avtomobil ishlab chiqarishni to‘xtatmoqchi. Bunga Qizil dengizdagi kemalarga hujumlar munosabati bilan logistikadagi uzilishlardan so‘ng yuzaga kelgan butlovchi qismlar taqchilligi sabab bo‘lmoqda.
“RIA Novosti” yozishicha, Gigafabrika deb ataladigan zavodda ishlab chiqarish 29-yanvardan 11-fevralgacha deyarli to‘liq to‘xtatiladi.
“Qizil dengizdagi qurolli to‘qnashuvlar va u bilan bog‘liq holda Umid burni orqali Yevropa va Osiyo o‘rtasidagi transport yo‘nalishlarining o‘zgarishi Gryunhaydedagi ishlab chiqarishga ham ta’sir qilmoqda. Tashish vaqtlarining sezilarli darajada uzoqlashishi ta’minot zanjirlarida bo‘shliqni yuzaga keltirmoqda”, — deyiladi Tesla bayonotida.
2023-yil 31-dekabrda AQSH harbiy-dengiz kuchlari Qizil dengizda savdo kemasiga hujum qilgan uchta husiy qayig‘ini cho‘ktirgani haqida xabar berilgandi. 2024-yil 12-yanvarda AQSH va Buyuk Britaniya Yamandagi husiy obyektlariga qator zarbalar berdi.
Izoh (0)