Futbol bo‘yicha Osiyo Kubogi musobaqasi 12-yanvar kuni start oladi.
Qatar yashil maydonlarida start oladigan Osiyo Kubogining ilk turida ishlaydigan rasmiylar e’lon qilindi.
Unga ko‘ra, O‘zbekiston terma jamoasining Suriyaga qarshi uchrashuvini ummonlik Ahmad Abu Bakar Said al-Kaf bosh hakam sifatida boshqaradi. Unga hamyurtlari Abu Bakar Salim al-Amri hamda Rashid Hamid al-Gaiti yordam berishsa, zaxira hakami sifatida iroqlik Mohanad Qosim Sarray ishlaydi.
Ma’lumot uchun, Ahmad al-Kaf joriy mavsum jami 11 ta uchrashuvda ishlagan. Bularning orasida 6 ta OCHL bahsi, 3 ta Ummon chempionati uchrashuvi va 1 ta JCH-2026 saralashi uchrashuvi, shuningdek, 1 ta o‘rtoqlik o‘yini bor. Ushbu bahslar davomida u cho‘ntagidan jami 24 marta sariq kartochka chiqargan va 1 bora penalti belgilagan.
Osiyo Kubogi—2023 | 1-tur
13.01.2024 | 22:30 (Toshkent vaqti)
O‘zbekiston — Suriya
“Jassim bin Hamad” stadioni, Doha
Izoh (0)