Yulduzlarning shaxsiy hayoti va ekrandan tashqarida qanday mashg‘ulotlar bilan shug‘ullanishi ko‘pchilik muxlislar uchun qiziq. Quyida baʼzi bir aktyorlarning sevimli mashg‘uloti bilan tanishamiz.
Tom Holland
O‘rgimchak odam faqat filmlarda to‘r to‘qimaydi. Uning yangi sevimli mashg‘uloti bor. Endi Holland super qahramonlar liboslarini o‘zi to‘qiydi. Aktyor samolyotda meditatsiya qilayotganida “qo‘lga tushgan”. O‘rgimchak odam uchun ajoyib mashg‘ulot.
Tom Kruz
Kruzning “Top Gan: Meverik” filmidagi tryuklari hali ham odamni hayratga soladi. Aktyor filmda dublyorsiz ishlaganini eshitish yana ham hayratni oshiradi. Tom samolyotni aʼlo darajada boshqaradi, shu jumladan qiruvchi samolyotlarni ham, albatta.
Tom Hardi
Aktyor jismoniy holati bilan doim maqtana olgan. U bunday natijaga jiu-jitsu sport turi bilan shug‘ullanish orqali erishgan. Yaqinda Tom Vulverxemptonda bo‘lib o‘tgan xayriya musobaqasida turli yo‘nalishda ikkita oltin medalni qo‘lga kiritdi. Aktyor jiu-jitsu sport turi bilan bir necha yildan buyon shug‘ullanib keladi va ko‘k belbog‘ sohibi hisoblanadi.
Genri Kavill
Genrining kompyuter dahosi ekanligi ko‘pchilikka maʼlum emas. U kunduz kuni filmlarda suratga tushish uchun vaqt ajratsa, kechalari video o‘yinlar o‘ynab dam oladi.
Genri o‘zi mustaqil ravishda o‘yin kompyuterini yig‘ishga qaror qilgan va bu haqida ijtimoiy tarmoqlarda maʼlum qilgan. U kuler, video-karta, protsessor va boshqa qismlarni o‘rnatgan. Genri xato qilganini anglaganida tashqarida allaqachon qorong‘i tushgan edi. Tizim blokini qismlarga ajratish va qaytadan o‘rnatish kerak bo‘lgan. U keyingi urinishdagina muammoni ijobiy hal qilgan.
Bella Hadid
Bella — haqiqiy dehqon. Uning bog‘ida 1500 tup lavanda ko‘chati ekilgan. Albatta bu raqamlar yildan yilga ortib bormoqda.
Shuningdek, Hadid ot sporti bilan ham professional tarzda shug‘ullanadi. Model bir muddat Layma kasalligi tufayli mashg‘ulotlarni to‘xtatishga majbur bo‘lgan, lekin tuzalib sevimli mashg‘ulotiga qaytgan.
Heyli Biber
Heyli uchun murakkab balet harakatlarini takrorlash muammo emas. Ilgari u raqs bilan faol tarzda shug‘ullangan. Ammo oyog‘idagi jiddiy jarohat tufayli baletdan voz kechishga to‘g‘ri kelgan. Keyin ota-onasi kichkina Heylini aktyorlikka yo‘naltirgan. Ular ehtimol, mashhur amakisi Alek Bolduinning izidan boradi deb o‘ylagan. Natijada Biber model sifatida mashhur bo‘ldi.
Izoh (0)