“Mening qattiqqo‘l enagam” filmi britaniyalik bolalar yozuvchi Kristianna Brendning “Enaga Matilda” kitobi asosida yaratilgan. Kartina ekranga chiqqaniga ancha yillar bo‘lishiga qaramasdan bolalar, hatto kattalarning ham sevimli filmlaridan biri bo‘lib qolmoqda. Yillar davomida film qahramonlari qanchalik o‘zgardi.
Emma Tompson — Enaga Matilda Makfi
Aktrisa uyini tozalash davomida, tasodifan bolalar va ularning yangi enagasi atrofida sodir bo‘lgan voqealar haqida yozilgan kitobga duch keladi. Asar Emmaga shu qadar yoqqanidan kitob asosida ssenariy yozishga qaror qilgan. Tompson uni yaratish uchun to‘qqiz yil vaqt sarflaydi. Film nafaqat o‘zini oqlagan, balki aktrisaga o‘z aktyorlik qobiliyatini namoyish etishga ham katta yordam bergan.
Kolin Fert — Janob Sedrik Braun
Filmda ishtirok etishdan oldin ham Kolin o‘z vatanidan tashqarida taniqli edi. “Enaga Makfi” filmidagi ishtirokidan keyin ham aktyor o‘zining rollari bilan muxlislarni xursand qilishda davom etgan. Hozirgi kunda Kolin karyerasi boshida bo‘lganidek romantik rollardan ko‘ra, jiddiyroq rollarni o‘ynashni afzal ko‘rmoqda.
Kelli Makdonald — Evanjelina
Filmda Kelli o‘qishni ham yozishni ham bilmaydigan qizning rolida namoyon bo‘ladi. Aktrisaning faoliyatida bir qancha rollar bo‘lishiga qaramasdan, aynan shu filmdagi ishtiroki unga o‘z qobiliyatini ko‘rsatishga imkon bergan. 2007-yilda aktrisa Tommi Li Jonson, Xavyer Bardem bilan “Qariyalar uchun mamlakat yo‘q” filmida ko‘rinish berdi. Besh yildan so‘ng, Kelli “Garri Potter va o‘lim tuhfasi” filmida Yelena Kogtevran rolini gavdalantirdi.
Anjela Lensberi — Gersoginya Adelaida Stich
Aktrisa 1925-yilda tug‘ilgan va 19 yoshida o‘zini kinoda sinab ko‘rishga qaror qilgan. O‘zining omadli debyutidan keyin u bir nechta mukofotlarga nomzodlik qilgan. Ular orasida “Oskar” mukofoti ham bor. Lekin unga bu mukofotni qo‘lga kiritish ancha yillardan so‘ng nasib qildi. “U yozgan qotillik” seriali chiqqanidan keyin aktrisa katta shuhratga erishadi. Loyiha 12 fasl davom etgan. Bundan tashqari, to‘rtta to‘liq metrajli filmlar chiqarilgan. 96 yoshli aktrisa o‘sha paytdan buyon kino ichida, lekin oxirgi yillarda yoshi va yaxshi rollar yo‘qligi sababli asosan teatrda ko‘rinish bermoqda.
Imelda Stonton — Blekzervik xonim
Ko‘pchilik muxlislar aktrisani “Garri Potter va Feniks ordeni” filmidagi Dolores Ambrij obrazi bilan eslasa-da, Imelda ko‘p yorqin rollarga ega. Faoliyatining dastlabki davrida “Piterning do‘stlari”, “Oshiq Shekspir” va boshqa ko‘plab filmlarda suratga tushgan. “Enaga Makfi” filmidagi roli orqali aktrisaning Dolores Ambrij ekanligini tanib olish qiyin bo‘lgan.
Seliya Imri — Selma Kvikli xonim
Aktrisa faoliyatini 1970-yillarda boshlagan, biroq, yoshi ulg‘ayganda ekranda ko‘proq paydo bo‘ldi. 2000-yillardan boshlab Seliya ko‘plab film va seriallarda suratga tusha boshladi. U 71 yoshda va yangi marralarni zabt etishda davom etmoqda.
Tomas Brodi Sengster — Saymon Devid Braun
Tomas o‘n bir yoshida kinoda debyut qilgan. Ikki yildan so‘ng, “Haqiqiy sevgi” filmida suratga tushgan. Iqtidorli bola tezda eʼtibor qozonadi va bir muddatdan so‘ng katta mashhurlikka erishdi. Yoshi ulg‘aygan sari uning mashhurligi ham ortib bordi. Aktyor “Labirint”, “Qirolichaning yurishi”, “Taxtlar o‘yini” va boshqa bir qancha film hamda seriallarda suratga tushishga muvaffaq bo‘ldi.
Eliza Bennett — Topa Aylabella Braun
Eliza 2004-yilda “Shahzoda va men” o‘smirlar uchun mo‘ljallangan filmda malika Arabell obrazini gavdalantirgan. Keyin u “Uchrashuvda” va “Qora kitob” filmlarida qatnashdi. Uning hozirgi rollari orasida taniqli obrazlari bilan maqtana olmaydi. Ammo kinematografiyani zabt etish fikridan qaytganicha yo‘q.
Sem Honivud — Sebastyan Frenk Braun
Kartina suratga olingan paytda Sem to‘qqiz yoshda bo‘lgan. Yosh bo‘lishiga qaramay, Semga Sebastyan rolini o‘ynash ortiqcha qiyinchilik tug‘dirmagan. Aftidan unga kinoda ishlash unchalik ham yoqmagan. Hozircha u ekranga qaytish haqida o‘ylamayapti.
Holli Gibbs — Kristianna Hanna Braun
Holli o‘zining rollari bilan maqtana olmaydi. 24 yoshli Holli ekranlarda paydo bo‘lsa ham epizodik va kichik rollarni o‘ynamoqda. Biroq u uchun hammasi hali oldinda.
Izoh (0)