Юлдузларнинг шахсий ҳаёти ва экрандан ташқарида қандай машғулотлар билан шуғулланиши кўпчилик мухлислар учун қизиқ. Қуйида баъзи бир актёрларнинг севимли машғулоти билан танишамиз.
Том Ҳолланд
Ўргимчак одам фақат фильмларда тўр тўқимайди. Унинг янги севимли машғулоти бор. Энди Ҳолланд супер қаҳрамонлар либосларини ўзи тўқийди. Актёр самолётда медитация қилаётганида “қўлга тушган”. Ўргимчак одам учун ажойиб машғулот.
Том Круз
Крузнинг “Топ Ган: Мэверик” фильмидаги трюклари ҳали ҳам одамни ҳайратга солади. Актёр фильмда дублёрсиз ишлаганини эшитиш яна ҳам ҳайратни оширади. Том самолётни аъло даражада бошқаради, шу жумладан қирувчи самолётларни ҳам, албатта.
Том Ҳарди
Актёр жисмоний ҳолати билан доим мақтана олган. У бундай натижага жиу-житсу спорт тури билан шуғулланиш орқали эришган. Яқинда Том Вулверхэмптонда бўлиб ўтган хайрия мусобақасида турли йўналишда иккита олтин медални қўлга киритди. Актёр жиу-житсу спорт тури билан бир неча йилдан буён шуғулланиб келади ва кўк белбоғ соҳиби ҳисобланади.
Генри Кавилл
Генрининг компьютер даҳоси эканлиги кўпчиликка маълум эмас. У кундуз куни фильмларда суратга тушиш учун вақт ажратса, кечалари видео ўйинлар ўйнаб дам олади.
Генри ўзи мустақил равишда ўйин компьютерини йиғишга қарор қилган ва бу ҳақида ижтимоий тармоқларда маълум қилган. У кулер, видео-карта, процессор ва бошқа қисмларни ўрнатган. Генри хато қилганини англаганида ташқарида аллақачон қоронғи тушган эди. Тизим блокини қисмларга ажратиш ва қайтадан ўрнатиш керак бўлган. У кейинги уринишдагина муаммони ижобий ҳал қилган.
Белла Ҳадид
Белла — ҳақиқий деҳқон. Унинг боғида 1500 туп лаванда кўчати экилган. Албатта бу рақамлар йилдан йилга ортиб бормоқда.
Шунингдек, Ҳадид от спорти билан ҳам профессионал тарзда шуғулланади. Модель бир муддат Лайма касаллиги туфайли машғулотларни тўхтатишга мажбур бўлган, лекин тузалиб севимли машғулотига қайтган.
Ҳейли Бибер
Ҳейли учун мураккаб балет ҳаракатларини такрорлаш муаммо эмас. Илгари у рақс билан фаол тарзда шуғулланган. Аммо оёғидаги жиддий жароҳат туфайли балетдан воз кечишга тўғри келган. Кейин ота-онаси кичкина Ҳейлини актёрликка йўналтирган. Улар эҳтимол, машҳур амакиси Алек Болдуиннинг изидан боради деб ўйлаган. Натижада Бибер модель сифатида машҳур бўлди.
Изоҳ (0)