Toshkent shahrining ikki tumani: Mirobod va Uchtepa tumanlarida 9-yanvar kuni elektr taʼminoti vaqtincha to‘xtatiladi. Bu haqda “Hududiy elektr tarmoqlari” AJ Toshkent shahar filiali xabar berdi.
Unga ko‘ra, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarning oldini olish hamda mavjud elektr qurilmalarida taʼmirlash ishlarini olib borish maqsadida ertaga, 9-yanvar kuni quyidagi manzillarda elektr taʼminoti vaqtincha o‘chiriladi:
- Mirobod tumani: “Sarakul” MFYning ayrim hududlarida soat 09:00 dan 17:00 gacha;
- Uchtepa tumani: “Katta Qa’ni” MFYning ayrim hududlarida soat 09:00 dan 17:00 gacha.
Yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligi bildirib o‘tilgan.
“Hududiy elektr tarmoqlari” Toshkent shahar filiali mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘radi.
Izoh (0)