2023-yilda Germaniyada 329 mingga yaqin kishi qochqin maqomini olish uchun ariza topshirgan.
Bu haqda ma’lumotni mamlakatning Migratsiya va qochqinlar bo‘yicha federal idorasi taqdim qildi.
Hisobot davridagi statistik ko‘rsatkich 2022-yilga nisbatan 50 foizga yuqori. Ariza topshirganlarning 260 ming nafariga ijobiy javob berilgan.
Eng ko‘p arizalarni Suriya (104 ming), Turkiya (62 ming), Afg‘oniston (53 ming) fuqarolari topshirgan.
2023-yil kuzida Germaniya hukumati immigratsiya qonunchiligini kuchaytiruvchi va noqonuniy migrantlar uchun mamlakatning jozibadorligini kamaytiradigan bir qator chora-tadbirlarni tasdiqladi.
Xususan, qochqinlar standart ijtimoiy nafaqa olish uchun Germaniyada 36 oy yashashi kerak bo‘ladi (avvalgidan 18 oy ko‘proq). Migrantlar pulni chet eldagi qarindoshlariga o‘tkazmasdan, Germaniyada sarflashi uchun nafaqalar debet kartasiga o‘tkaziladi.
Bundan tashqari, boshpana bo‘yicha so‘rovlarni ko‘rib chiqish muddatlari qisqartiriladi.
Izoh (0)