“PSJ” “Tuluza”ni ishonchli hisobda mag‘lub etib, Fransiya Superkubogiga ega chiqdi

Futbol bo‘yicha Fransiya Superkubogi doirasidagi o‘yin 3-yanvar, chorshanba kuni bo‘lib o‘tdi.

Unda “PSJ” va “Tuluza” jamoalari o‘zaro bahs olib bordi. Uchrashuvning 3-daqiqasida Li Kan In hisobni ochdi. Birinchi bo‘lim oxirida Kilian Mbappe hisobni ishonchli ko‘rinishga olib keldi.

Ikkinchi bo‘limda darvozalar daxlsizligi saqlanib qoldi va parijliklar Superkubok sohibiga aylandi.

Parij klubi 12-marta Fransiya Superkubogiga ega chiqdi va bu borada rekordchi hisoblanadi. Eng yaqin ta’qibchi “Lion” hisobida 8 ta g‘alaba mavjud.

Luis Enrike esa “PSJ” bosh murabbiyi sifatida ilk sovrinini qo‘lga kiritdi.

Fransiya Superkubogi

3-yanvar, chorshanba

“PSJ” — “Tuluza” 2:0

Gollar: 1:0 – 3 Li Kan In, 2:0 – 44 Mbappe.

“PSJ”: Donnarumma, Hakimi, Markinyos, Shkrinyar (Lukas Beraldo, 71), Ernandes, Vitinya, Li Kan In, Zair-Emeri, Dembele (Asensio, 66), Barkolya (Kolo-Muani, 66), Mbappe.

“Tuluza”: Rest, Mavissa Elebi (Kamansi, 76), Nikolaysen, Diarra, Suaso, Spirings, Serro (Sissoko, 76), Kasseres, Sesar Xelabert (Skyuttya, 66), Dennum (Magri, 66), Dallinga.

Ogohlantirishlar: Vitinya (46), Ernandes (77).