“PSJ” Kilian Mbappe bilan shartnomani uzaytirishga urinib ko‘radi.
Fransiyalik hujumchining klub bilan shartnomasi 2024-yil yozida o‘z nihoyasiga yetadi. Yanvar oyida esa Mbappe unga qiziqqan klublar bilan muzokaralar o‘tkazish huquqiga ega bo‘ladi.
AS nashrining xabariga ko‘ra, “PSJ” prezidenti Nosir al-Helayfi va Kilian muzokaralarni boshlashga shoshilmayapti. 2024-yilning dastlabki choragida bitimni uzaytirish borasida suhbat bo‘lib o‘tadi.
Mbappeni qolishga ko‘ndirish uchun Al-Helayfida ikkita asos bor.
Birinchidan, 2024-yilgi Olimpiada Fransiyada bo‘lib o‘tadi, shu sababdan uning hozirda Parijda to‘p surayotgani unga qo‘l kelishi mumkin, ikkinchidan, Kilian Liga 1 tarixidagi eng yaxshi to‘purarga aylanishi mumkinligi.
Mbappe joriy mavsum “PSJ” safida 18 ta o‘yinda ishtirok etib, 18 ta golga mualliflik qildi.
Izoh (0)