“ПСЖ” “Тулуза”ни ишончли ҳисобда мағлуб этиб, Франция Суперкубогига эга чиқди

Футбол бўйича Франция Суперкубоги доирасидаги ўйин 3 январь, чоршанба куни бўлиб ўтди.

Унда “ПСЖ” ва “Тулуза” жамоалари ўзаро баҳс олиб борди. Учрашувнинг 3-дақиқасида Ли Кан Ин ҳисобни очди. Биринчи бўлим охирида Килиан Мбаппе ҳисобни ишончли кўринишга олиб келди.

Иккинчи бўлимда дарвозалар дахлсизлиги сақланиб қолди ва парижликлар Суперкубок соҳибига айланди.

Париж клуби 12 марта Франция Суперкубогига эга чиқди ва бу борада рекордчи ҳисобланади. Энг яқин таъқибчи “Лион” ҳисобида 8 та ғалаба мавжуд.

Луис Энрике эса “ПСЖ” бош мураббийи сифатида илк совринини қўлга киритди.

Франция Суперкубоги

3 январь, чоршанба

“ПСЖ” — “Тулуза” 2:0

Голлар: 1:0 – 3 Ли Кан Ин, 2:0 – 44 Мбаппе.

“ПСЖ”: Доннарумма, Ҳакими, Маркиньос, Шкриньяр (Лукас Бералдо, 71), Эрнандес, Витиня, Ли Кан Ин, Заир-Эмери, Дембеле (Асенсио, 66), Барколя (Коло-Муани, 66), Мбаппе.

“Тулуза”: Рест, Мависса Элеби (Каманси, 76), Николайсен, Диарра, Суасо, Спирингс, Серро (Сиссоко, 76), Кассерес, Сесар Хелаберт (Скууття, 66), Деннум (Магри, 66), Даллинга.

Огоҳлантиришлар: Витиня (46), Эрнандес (77).