Buxoro viloyatida ikki qushni ovlaganlar BHMning 10 barobari miqdorida jarimaga tortildi. Bu haqda viloyat Ekologiya boshqarmasi axborot xizmati xabar berdi.
Unga ko‘ra, viloyat Ekologiya boshqarmasi Peshko‘ tumani bo‘limi davlat inspektorlari tomonidan navbatdagi reyd tadbiri o‘tkazildi. Qoraqir tabiiy suv havzasi hududida o‘tkazilgan reyd tadbiri davomida 2 nafar fuqaro maxsus ruxsatnomaga ko‘rsatilganidan 2 dona ortiqcha qashqaldoq ovlagani aniqlandi.
Holat yuzasidan 2 fuqaroga nisbatan Maʼmuriy javobgarlik to‘g‘risidagi kodeksning 90-moddasiga asosan maʼmuriy bayonnoma rasmiylashtirilib, ularning har biriga BHMning 10 barobari — 3 million 400 ming so‘mdan jarima hamda tabiatga yetkazilgan zarar 340 000 so‘mdan hisoblandi.
Izoh (0)