Бухоро вилоятида икки қушни овлаганлар БҲМнинг 10 баробари миқдорида жаримага тортилди. Бу ҳақда вилоят Экология бошқармаси ахборот хизмати хабар берди.
![](/static/2024/01/04/gh-0qPNUxkU.jpg)
Унга кўра, вилоят Экология бошқармаси Пешкў тумани бўлими давлат инспекторлари томонидан навбатдаги рейд тадбири ўтказилди. Қорақир табиий сув ҳавзаси ҳудудида ўтказилган рейд тадбири давомида 2 нафар фуқаро махсус рухсатномага кўрсатилганидан 2 дона ортиқча қашқалдоқ овлагани аниқланди.
Ҳолат юзасидан 2 фуқарога нисбатан Маъмурий жавобгарлик тўғрисидаги кодекснинг 90-моддасига асосан маъмурий баённома расмийлаштирилиб, уларнинг ҳар бирига БҲМнинг 10 баробари — 3 миллион 400 минг сўмдан жарима ҳамда табиатга етказилган зарар 340 000 сўмдан ҳисобланди.