Toshkent viloyati shahar ichi yo‘lovchi transportida yo‘l haqi tariflari o‘zgardi, deb xabar bermoqda viloyat hokimligi matbuot xizmati.
Ma’lum qilinishicha, ushbu viloyat shaharlarida yo‘lovchilar tashish faoliyati bilan shug‘ullanuvchi barcha korxona va tashkilotlarga qarashli yo‘nalishlardagi yo‘lovchilar tashish xizmatlarining cheklangan tariflari qayta ishlab chiqildi.
Unga ko‘ra, avtobuslarda 1 nafar yo‘lovchi uchun 1 500 so‘m, yo‘nalishli taksi (mikroavtobus)larda 2 000 so‘m etib belgilandi.
Toshkent viloyati hokimining 2023-yil 29-dekabrdagi qarorida keltirilishicha, shahar yo‘nalishida qatnaydigan yo‘lovchi tashish transporti xizmatlari xarajatlarining, jumladan, yonilg‘i-moylash materiallari, ehtiyot qismlarning qimmatlashgani munosabati bilan, transport xizmatining barqaror ishlashini ta’minlash va korxonalarning moliyaviy jihatdan zarar ko‘rib ishlashini oldini olish maqsadida yo‘l haqi tariflari o‘zgardi.
Izoh (0)