Тошкент вилояти шаҳар ичи йўловчи транспортида йўл ҳақи тарифлари ўзгарди, деб хабар бермоқда вилоят ҳокимлиги матбуот хизмати.
Маълум қилинишича, ушбу вилоят шаҳарларида йўловчилар ташиш фаолияти билан шуғулланувчи барча корхона ва ташкилотларга қарашли йўналишлардаги йўловчилар ташиш хизматларининг чекланган тарифлари қайта ишлаб чиқилди.
Унга кўра, автобусларда 1 нафар йўловчи учун 1 500 сўм, йўналишли такси (микроавтобус)ларда 2 000 сўм этиб белгиланди.
Тошкент вилояти ҳокимининг 2023 йил 29 декабрдаги қарорида келтирилишича, шаҳар йўналишида қатнайдиган йўловчи ташиш транспорти хизматлари харажатларининг, жумладан, ёнилғи-мойлаш материаллари, эҳтиёт қисмларнинг қимматлашгани муносабати билан, транспорт хизматининг барқарор ишлашини таъминлаш ва корхоналарнинг молиявий жиҳатдан зарар кўриб ишлашини олдини олиш мақсадида йўл ҳақи тарифлари ўзгарди.
Изоҳ (0)