Shimoliy Atlantika alyansi Ukrainaning favqulodda yig‘ilish o‘tkazish haqidagi iltimosini qo‘llab-quvvatladi. Bu haqda Ukraina tashqi ishlar vaziri Dmitriy Kuleba ma'lum qildi.
“NATO davlatlari Ukraina bo‘yicha favqulodda yig‘ilish o‘tkazish haqidagi iltimosni qo‘llab-quvvatladi”, — deb Kuleba so‘zlaridan iqtibos keltirgan TIV matbuot xizmati.
Vazirning so‘zlariga ko‘ra, asosiy mavzulardan biri Ukraina havo mudofaasini kuchaytirish bo‘ladi. Kuleba uchrashuv qachon bo‘lib o‘tishiga aniqlik kiritmadi.
Dekabr oyida NATO matbuot xizmati 17-18-yanvar kunlari Bryusselda harbiy qo‘mita yig‘ilishi o‘tkazilishi, jumladan, birinchi marta Ukraina-NATO kengashi formatida bo‘lishi haqida xabar bergan edi.
Qo‘mita yig‘ilishida alyans uchun strategik ahamiyatga ega bo‘lgan masalalar muhokama qilinishi ma’lum qilingan. Bosh shtab boshliqlari NATOning Vilnyusdagi so‘nggi sammitida qabul qilingan qarorlarni amalga oshirish jarayonini ko‘rib chiqishi, shuningdek, Vashingtondagi navbatdagi sammitga tayyorgarlikni muhokama qilishi kutilmoqda.
Izoh (0)