Шимолий Атлантика альянси Украинанинг фавқулодда йиғилиш ўтказиш ҳақидаги илтимосини қўллаб-қувватлади. Бу ҳақда Украина ташқи ишлар вазири Дмитрий Кулеба маълум қилди.
“НАТО давлатлари Украина бўйича фавқулодда йиғилиш ўтказиш ҳақидаги илтимосни қўллаб-қувватлади”, — деб Кулеба сўзларидан иқтибос келтирган ТИВ матбуот хизмати.
Вазирнинг сўзларига кўра, асосий мавзулардан бири Украина ҳаво мудофаасини кучайтириш бўлади. Кулеба учрашув қачон бўлиб ўтишига аниқлик киритмади.
Декабрь ойида НАТО матбуот хизмати 17-18 январь кунлари Брюсселда ҳарбий қўмита йиғилиши ўтказилиши, жумладан, биринчи марта Украина-НАТО кенгаши форматида бўлиши ҳақида хабар берган эди.
Қўмита йиғилишида альянс учун стратегик аҳамиятга эга бўлган масалалар муҳокама қилиниши маълум қилинган. Бош штаб бошлиқлари НАТОнинг Вильнюсдаги сўнгги саммитида қабул қилинган қарорларни амалга ошириш жараёнини кўриб чиқиши, шунингдек, Вашингтондаги навбатдаги саммитга тайёргарликни муҳокама қилиши кутилмоқда.
Изоҳ (0)