Yaponiyaning Isikava prefekturasida yuz bergan kuchli zilzilalar oqibatida halok bo‘lganlar soni 55 kishiga yetdi, 100 dan ortiq kishi jarohat oldi. Bu haqda mahalliy hokimiyatga tayanib, Nikkei Asia xabar berdi.
Eng ko‘p o‘lim Vadzima va Sudzu shaharlarida qayd etilgan. Bu yerda zilzilalar natijasida mos ravishda 24 va 20 kishi halok bo‘lgan. Avvalroq 48 kishining o‘limi haqida xabar berilgandi. Odamlar qulagan uylarning vayronalari ostida bo‘lishi mumkin. Bu Yaponiyada 2016-yildan beri sodir bo‘lgan eng halokatli zilzila bo‘ldi.
-64PcIngC.jpg)
Zilzila episentriga yaqin joylashgan 5000 dan sal ko'proq xonadonga ega Suzu shahrida uylarning 90 foizi vayron bo'lgan bo'lishi mumkin. Vaziyat halokatli”, — deydi shahar meri Masuhiro Izumiya.
Yaponiyadagi kuchli zilzilalar
1-yanvar kuni kuni tushdan keyin Yaponiyaning Isikava prefekturasida bir qator kuchli zilzilalar yuz berdi. Ularga “Noto yarimorolidagi zilzila” nomi berildi. Qayd etilgan eng kuchli zilzilaning magnitudasi 7,6 ni tashkil etdi. Zilzilalardan so‘ng Yaponiyaning g‘arbiy sohilidagi ba’zi hududlar katta sunami xavfi ostida qoldi. Hozirda sunami haqidagi barcha ogohlantirishlar bekor qilingan.
Yer silkinishi uylarning vayron bo‘lishiga va tezyurar poyezdlar harakatining to‘xtab qolishiga olib keldi, 32 mingdan ortiq uyning elektr energiyasi uzilib qoldi. Ayrim hududlarda suv taʼminoti va aloqa uzilishi kuzatilmoqda.
-lFveUpQ5.jpg)
Atom elektr stansiyasining ishlashida nosozliklar aniqlanmadi. Deyarli bir kundan keyin barcha yo‘nalishlarda tezyurar poyezdlar harakati tiklandi. 2024-yil 1-yanvardagi zilzila Noto yarimoroli uchun 1885-yildan buyon tegishli statistika yuritila boshlangandan keyingi eng kuchli zilzila bo‘ldi.
Izoh (0)